ഖത്തർ 

അറേബ്യ എന്നൊരു ചിപ്പിക്കുള്ളിൽ മിന്നും മുത്തായ് ഖത്തർ!

അത്യുന്നതമാം സംസ്കാരത്തിൻ ഉത്തമദേശം ഖത്തർ!

'അല്ലാഹ് അൽ അമീർ അൽവത്തനെ 'ന്നൊരു സുന്ദര മുദ്രാവാക്യം
ആദർശത്തിന്നലയൊലിയായ് വാനിൽ മുഴങ്ങും ഖത്തർ !

കായിക മാമാങ്കത്തിൻ നിരവധി വേദികൾ തീർക്കും ഖത്തർ!
കാല്പന്തിൻ കളിയാവേശത്തിൻ കൊടുമുടി തീർക്കും ഖത്തർ !
കാരുണ്യത്തിൻ വറ്റാ ഉറവകൾ അനവധി പേറും ഖത്തർ!
കാത്തിരിക്കാനിനിയുമേറെ കാഴ്ചകളേകും ഖത്തർ!

പാരിൻ കായിക ഭൂപടത്തിൽ തിളങ്ങി നിൽക്കും ഖത്തർ!
പരിണാമത്തിൻ പുത്തൻ പാതകൾ നിത്യം തേടും ഖത്തർ!
പരശതകോടി പ്രവാസികൾ തന്നിഷ്ട തീരം ഖത്തർ!
പ്രജകൾ തന്നുടെ ക്ഷേമത്തിന്നൊരു ക്ഷാമവുമില്ലാ ഖത്തർ !

വിവേകമാകുമൊരാരാമത്തിൻ പനിനീർ പൂവായ്ഖത്തർ !
വിശാല കാഴ്ചപ്പാടിൻ വിശ്വ മാതൃകയായീ ഖത്തർ !
വിദ്യ വിഹായസ്സിൽ ഉയരം തേടും ഫാൽക്കൺ പക്ഷി ഖത്തർ!
വികസന പാതയിൽ മുന്നേറ്റത്തിന്നശ്വമാകും ഖത്തർ !

ഇവിടം സ്വർഗമായിക്കാണാൻ, ഒരു നവ ലോകം തീർക്കാൻ
ഇനിയൊരു ജനതക്കഭിമാനിക്കാൻ ചരിത്ര ഭൂമിയാകാൻ
ഇച്ഛാശക്തി തന്നുരുക്കു കോട്ടകളായി വിളങ്ങും ഖത്തർ!
ഇത്തരുണത്തിൽ നേരാമൊന്നായ് ഹൃദയത്തിന്നഭിവാദ്യങ്ങൾ !